مومل۔۔۔۔۔ارے کہاں ہو آخر۔۔۔۔۔۔مومل کب سے آواز لگا رہی ۔۔۔

ہوں اور تم یہاں دنیا و مافیا سے انجان بیٹھی ہو اپنی دنیا بسائے ہوئے۔۔۔۔۔۔شانزے اسکے سامنے بیٹھتے ہوئے بولی۔۔۔۔۔۔مومل نے اپنی گہری سیاہ آنکھوں سے اسکی جانب دیکھا  اور خامشی سے ہلکا سا مسکا دی گویا کسی شے کے تھم جانے کے انتظار میں ہو۔۔۔۔۔۔شانزے نے بےتکلفی سے اسکے شانوں پہ ہاتھ رکھتے ہوئے پوچھا مومل تمہیں کیا بھاتا ہے۔۔۔۔۔وہ خاموش رہی۔۔۔۔۔شانزے نے پھر سے پکارا اچھا بتاؤ تمہیں چرند پرند میں کیا بھاتا ہے؟۔۔۔۔۔۔اسنے اپنی پلکیں اٹھاتے ہوئے کہا۔۔۔۔۔تتلیاں۔۔۔۔۔۔ہاں تتلیاں پسند ہیں مجھے۔۔۔۔۔۔کیوں پسند ہیں بھلا تمہیں  یہ تتلیاں مومل؟ ایسا کیا خاص ہے ان میں آخر؟۔۔۔۔۔۔۔مومل آنکھوں میں ہلکی سی نمی لیے ہوئے بولی۔۔۔۔۔۔۔وہ مجھ جیسی ہیں نا اس لیے۔۔۔۔۔۔۔بے زبان۔۔۔۔بے ضرر۔۔۔۔۔۔وہ تھوڑا رکی اور بولی۔۔۔۔۔۔یہ نازک ہوتی ہیں شانزے۔۔۔۔۔۔یہ اڑتی ہیں تو سکون و راحت دیتی ہیں  دل کو۔۔۔۔۔۔یہ تو خود انجان ہوتی  ہیں اپنے پروں کی خوبصورتی سے۔۔۔۔۔۔اور ان کو سروکار بھی کہاں ہے خود سے۔۔۔۔۔بس پھولوں سے کھیلتی ہیں اٹھکھلیاں کرتی ہیں۔۔۔۔۔۔انکا بھلا کرتی ہیں۔۔۔۔۔۔بچوں کو ہنسا دیتی ہیں مگر کسی کا ہلکا سا لمس انکو توڑ دیتا ہے۔۔۔۔۔۔۔۔کوئی انکی خوبصورتی سے سے محو ہو کے چھو بھی لے تو وہ اس کی جان کا اختتام ہوتا ہے۔۔۔۔۔۔۔۔انہیں کہاں پتہ ہوتا ہے کہ جو بےضرر ہو اسے نوچ لیا جاتا ہے۔۔۔۔۔۔جو نرم خو ہو اسے توڑ دیتے ہیں۔۔۔۔۔۔جو چنچل اور ہنس مکھ ہو اسے مار دیا جاتا ہے یا تو زندہ یا پھر جان سے۔۔۔۔۔۔مجھے ان تتلیوں کی معصومیت سے عشق ہے شانزے۔۔۔۔۔۔۔بہت پیاری ہوتی ہیں یہ۔۔۔۔۔۔کبھی موقع ملا تو میں انکا الگ دیس بناؤں گی جہاں صرف یہ ہوں گی اور  انکی معصوم اٹھکیلیاں۔۔۔۔۔۔۔یہ سب کہتے ہی مومل کی ملائم گال پر ایک آنسو بہہ گیا گویا اسکے اندر کی تتلی کوئی مسل گیا تھا۔۔۔۔۔۔